Foro de deseño

A súa traxectoria profesional esténdese ao longo de 28 anos vinculados ao deseño gráfico e á comunicación. Dende os primeiros pasos como deseñadora junior en Santiago de Compostela até a etapa actual como directora de arte en Costa, estudo de deseño da Coruña, foi tecendo un percorrido por axencias como BAP & Conde, Idea Creatividad ou Imaxe, asumindo proxectos para clientes institucionais e privados como Xunta de Galicia, Turismo de Galicia, Xacobeo, Estrella Galicia, Inditex ou Abanca.

No 2015 co-fundou The Office, estudo que se consolidou como referente da comunicación cultural con proxectos para o Teatro Pavón Kamikaze (Premio Nacional de Teatro 2017), Cineuropa, Festival Noroeste Estrella Galicia ou a Deputación da Coruña, ademais de campañas para a Comunidade e o Concello de Madrid ou o Ministerio de Cultura.

Entre os recoñecementos recibidos están o primeiro premio no Maratón Stone Laus 2001, dous premios de carteis con perspectiva de xénero (2010 e 2018) e finalista nos Premios Paraguas na categoría de Creatividade no ano 2018.

Formouse na Escola de Arte de Oviedo e ao finalizar, logo de seis anos de traballo en España –primeiro en Galicia con Conchita Viñas e Eloy Lozano, e logo en Barcelona con Studio Peret– mudouse en 2001 a Amsterdam para unirse ao equipo de Total Design e despois ao Studio Anthon Beeke, onde foi directora creativa. En 2008 fundou Lopezlab e máis tarde o colectivo ABC e a editorial Spin Books.

Aínda que o seu traballo é multidisciplinar, cruzando plataformas, sectores e roles –identidades, campañas, libros, consultoría, interior, produtos– todos os seus proxectos teñen un común e marcado compoñente social, estratéxico e narrativo. Nos últimos anos, o seu interese no espazo, onde se cruzan natureza, agricultura e medio ambiente, levárona a colaborar con agricultores, universidades e empresas que buscan conciliar estes campos.

Recibiu diversos premios e recoñecementos, entre outros Laus, FILAF, Dutch Design Awards, Dutch Identity Awards, Dutch Theater Poster Awards, Dutch Book Design Awards e, este verán, o Fedrigoni Global Award polo libro Uxua – Utopia.

É deseñador, curador e educador con sede en Madrid, onde dirixe un estudio centrado en deseño de produto, dirección creativa, interiores e branding. A súa práctica combina o deseño coa curadoría para xerar novas formas de mediación cultural.

En 2020 fundou MAYRIT, unha bienal de deseño e arquitectura experimental que, logo de tres edicións, se consolidou como plataforma crítica para o pensamento contemporáneo. O seu traballo foi exhibido internacionalmente no Salone Satellite, Maison & Objet, EDIT Napoli ou a Porto Design Biennale, e foi recoñecido co Rome Design Award e o Maison&Objet Rising Talent Award.

En 2025, recibiu o Premio Nacional de Diseño de España na categoría de profesionais noveis. Como docente en IED Madrid e a IE University fomenta unha visión crítica do deseño. Leiro tamén escribe sobre deseño, historia e cultura en PIN–UP Magazine e ICON Design.

Deseñador de información a través do proxecto Dataviz Cowboy, Jorge Martínez Rey é licenciado en Físicas pola Universidade de Santiago de Compostela, conta cun máster en oceanografía física pola British Antarctic Survey en Cambridge, e un doutorado en modelos oceánicos e cambio climático polo LSCE en París e a ETH en Zúrich.

No 2011 comeza a traballar con D3.js para explicar de forma gráfica e intuitiva os mecanismos do cambio climático no ámbito académico. Posteriormente aplica a técnica en empresas e start-ups nos eidos das redes sociais, news feeds, e-commerce ou campañas de marketing, sen perder o seu interese no medio ambiente abordando a visualización de fenómenos naturais extremos como volcáns, incendios ou tornados.

Nestes ámbitos a visualización de datos adopta usos e significados moi diferentes, o cal lle permite seguir avanzando no deseño de formas e a súa percepción por audiencias cada vez máis diversas e cambiantes.

Fundadora e directora creativa de Invisible, laboratorio de investigación cultural, prospectiva e deseño do grupo Jungle. Stef explora narrativas e marcos de referencia alternativos para ampliar os imaxinarios das marcas e organizacións. O obxectivo de Invisible é investigar a través do deseño, as teorías culturais e o futures thinking para influír no futuro a partir de novos relatos, estratexias e modelos de innovación.

Leva a cabo o seu traballo cunha ollada crítica e reflexiva sobre as consecuencias que os negocios e o deseño teñen en nós como sociedade e na natureza. Traballa man a man con organizacións, axudándolles a xestionar a complexidade a través de narrativas, identidades e culturas innovadoras que parten da sensibilidade e dos procesos creativos que nos achegan o deseño e a arte.

Compaxina o seu labor coa docencia en cursos de posgrao de distintas universidades e centros educativos internacionais do ámbito do deseño e foi nomeada como unha das 40 futuristas máis importantes do estado e unha das persoas máis creativas no eido dos negocios pola Revista Forbes.

Amais, continuou formándose en escolas europeas como Goldsmiths, KaosPilot, Hyper Island, H2i, Bespoke e Istituto Europeo di Design, estendendo a súa formación en Digital Strategy, Experience Design, Speculative Design, Future Design e Visual Communication. Actualmente curso o grao de Humanidades.

Vítor, doutorado en deseño, é profesor coordinador e vice-presidente na ESMAD/P.PORTO, dirixe o polo de investigación ID+ e foi distinguido polo TDC NY. Horácio, doutorado en medios dixitais, é artista, deseñador e investigador transdisciplinar, pioneiro en proxectos multimedia innovadores, como a primeira visita virtual ao Parlamento portugués, tendo desenvolvido nos últimos anos obras audiovisuais con interfaces cerebro-computador.

O resto do equipo da LUGA Design Biennale está conformado por Sérgio Alves e Rita Anjos. O primeiro é deseñador gráfico e director de arte no Atelier d’alves e tamén docente na ESMAD, recoñecido co Prémio Sebastião Rodrigues e colaborações internacionais. Rita é deseñadora, mestrada pola ESMAD, con práticas que cruzan deseño, fotografía e cinema, explorando o cartel como medio expresivo e obxecto de investigación.

Presentación de proxectos de estudantes das diferentes escolas de deseño

• Ángel García (Facultade de Comunicación, UVigo).
• Sara Dobarrio (EASD Antonio Faílde).
• Ana Cristina Ascanio (Escola Superior Marcelo Macías).
• Mónica Domínguez e Daniel Piñeiro (Aula D).
• Laura Villar (EASD Mestre Mateo).
• Laura Iglesias Malheiro (EASD Ramón Falcón).