A conferencia de Ekinocio sobre coworking pechará o ciclo do Cultu Kata 2012

Con motivo da celebración da súa patroa Santa Catarina de Siena, a Facultade de Ciencias Sociais e da Comunicación organiza cada ano o Cultu Kata, un ciclo de actividades que este ano contará coa presenza de dúas das nosas socias, Raquel Boo e Irene García (Ekinocio Comunicación). Raquel e Irene, que son ex-alumnas do centro, serán as encargadas de pechar mañá o ciclo conferencias cunha charla sobre coworking na que compartirán cos asistentes as súas experiencias neste ámbito:xa sexa no estudio, que comparten con outros dous profesionais Víctor Souto e Pablo Dávila, ou na rúa, posto que se achan detrás de iniciativas coma o CafeDturno, unhas xuntanzas informais de persoas creativas que comparten inquedanzas e que, como se pode ver na imaxe, se reúnen en Compostela o terceiro xoves de cada mes para falar, intercambiar coñecementos, organizar pequenas actividades, etc. Ademais destas experiencias, tamén comentarán e proporcionarán información e datos sobre outras iniciativas semellantes xeradas en Galicia e que están funcionando con éxito arestora. A charla que terá lugar ás 12.00 h da mañá no salón de graos da Facultade Ciencias Sociais e da Comunicación estará aberta ao público en xeral ata completar a capacidade da sala. Lugar:Facultade de Ciencias Sociais e da Comunicación Campus A Xunqueira s/n 36005 Pontevedra

Día: xoves, 26 de abril ás 12.00 h