Aberto o prazo de inscrición na 44ª edición dos Premios Laus
A semana pasada abríase o prazo de inscrición na 44ª edición dos Premios Laus de Deseño Gráfico e Comunicación Visual de Barcelona que organiza a Asociación de Deseñadores Gráficos e Directores de Arte do FAD (ADG-FAD).
Trátase duns premios, os Laus, que cada ano distinguen nas categorías de Deseño Gráfico, Web e medios dixitais, Creatividade publicitaria, Audiovisuais, Empresas e Estudantes, aqueles traballos e proxectos que destacan pola súa calidade conceptual, calidade formal, funcionalidade, excelencia e contribución ao deseño. Toda a información relativa ás bases e mais á inscrición está dispoñible na páxina do evento: http://www.laus.cat/ A inscrición pode realizarse ata o 31 de xaneiro de 2014 e todos os socios e socias da DAG, Asociación Galega de Deseñadores, teñen un desconto do 15% na inscrición.
