Candura & Coraxe. Obradoiro de autoedición

Con motivo da exposición Do it yourself! Os incunables contemporáneos dun impresor particular, a Cidade da Cultura pon en marcha do 7 ao 12 de maio Candura & Coraxe, un taller gráfico e de autoedición impartido polo artista Federico Guzmán. Con Seoane, Castelao e Chankecham como referentes, Federico Guzmán adoptará neste obradoiro un enfoque sobre o debuxo como pegada e rastro da vida. O primeiro día presentaralles aos participantes unha serie de casos artísticos, feitos poéticos e proxectos colaborativos sobre autoedición, e o segundo día será a quenda dos alumnos, aos que invitará a que incorporen, dalgún xeito, situacións, acontecementos e procesos do seu contexto local ou persoal co fin de crear unha obra gráfica colectiva inventada e plasmada entre todos. A inscrición é gratuíta e o único que tes que facer para participar é enviar os teus datos persoais (nome, apelidos, enderezo electrónico e mais teléfono de contacto) ao mail online@cidadedacultura.org, e tres palabras que sinteticen as razóns que te levan a querer tomar parte no obradoiro. Máis información en: Candura & Coraxe

Descarga o programa: