Desescribir presenta Fabulatorio no marco do programa intemción

Os nosos socios Cibrán Rico e Suso Vázquez, ou o que é o mesmo, Desescribir estarán o vindeiro mércores 16 de maio, ás 20.00 h, na librería Formatos da Coruña para presentar Fabulatorio,o seu novo proxecto editorial, dentro do marco do programa intemción. Será a súa, unha presentación dobre: a do proxecto editorial e mais a do ideario que se acha detrás, e tamén a dos dous primeiros números que ven a luz: o número 0 (f.00), conmemorativo do nacemento da editorial e titulado de xeito homónimo, Fabulatorio, e o número 1 (f.01), un caderno de fotografía, de título A casa do Oscar, con fotos de Luis Díaz Díaz e textos de Chico Buarque e Benoit Sindt, que quere reflexionar sobre a relación entre arquitectura e vida a través da casa que proxectou para si Oscar Niemeyer. Acompañando a Suso e a Cibrán, estará tamén Luis Díaz, o autor das fotografías, para falar da viaxe ao Brasil e do traballo realizado alí. Lugar: Librería Formatos Santiago Rey Fernández-Latorre, 5, baixo 4 15006 A Coruña