La más bella
La Más Bella é un proxecto de acción e experimentación editorial, que impulsa e realiza proxectos artísticos especificamente pensados para seren editados por canles e métodos alternativos ao mundo editorial convencional.
Un proxecto sen ánimo de lucro que se concreta en varias vías de actuación: En primeiro lugar, e principalmente, na edición da revista experimental La Más Bella, un soporte de experimentación editorial, que se edita regularmente desde 1993,e con aproximadamente 40 números na rúa. En segundo lugar, a través de proxectos como Bellamátic e os seus alter ego BolaBellamátic e Bellamatamátic, todas elas máquinas automáticas expendedoras de produtos editoriais e artísticos. E en terceiro lugar, na organización de obradoiros, charlas, ciclos de arte acción, etc., relacionados coa actividade editorial. A revista experimental La Más Bella é un colector de colaboracións, que conta en cada edición co traballo de creadores procedentes de todas as disciplinas artísticas, tanto plásticas como literarias, audiovisuais ou conceptuais, principalmente do ámbito artístico e cultural español. Os colaboradores (case 700 desde 1993) son invitados a traballar nun tema monográfico e nun formato proposto por La Más Bella. O seu traballo é totalmente altruísta, e La Más Bella asume os procesos de produción, financiamento e distribución. Ademais de nos contidos, La Más Bella aposta desde sempre por un produto experimental no seu formato e aparencia externa, co que se queren achegar á idea de revista ensamblada ou libro obxecto que cultivaron moitos artistas e colectivos ao longo dos séculos XX e XXI.
