León López de la Osa únese á DAG
León López de la Osa é a nova incorporación que temos en DAG. Unha persoa con moita experiencia ás costas e con moito interese na funcionalidade dos obxectos dentro dos espazos que habitamos. Benvido!
Bo día! Son León López de la Osa, arquitecto. Sempre pensei que na cadea que constitúe a arquitectura, que empeza co territorio e remata en nós, o último elo o constitúe o mobiliario, os obxectos que nos acompañan e que permiten que poidamos desenvolver as nosas actividades no espazo que os nos acubilla.
Grazas a eles, leo, estudo, descanso, etc., polo tanto, forman parte da propia arquitectura. Como diría Alvar Aalto, o mestre, «son pólas da mesma árbore». É por iso que desde hai xa moito tempo adícome ao deseño de mobiliario, iluminación e obxectos que interveñen nese mundo.
Creo que en Galicia somos uns cantos os que nos adicamos a elo e eu so coñezo a uns poucos. Creo que temos moitas cousas que amosar.