O luns 11 de xuño arranca Poñer cousas en orde

O vindeiro luns, 11 de xuño, arranca Poñer cousas en orde, a nova proposta expositiva do NORMAL. Espazo de Intervención Cultural que organiza o socio da DAG, Dani Bembibre, e que combina a exposición de obras visuais, concertos e charlas. Poñer cousas en orde desenvolverase entre o 11 de xuño e o 20 xullo, corenta días en total, nos que todos aqueles que se acheguen á Coruña poderán asistir a charlas específicas ou a coloquios de recoñecidos creativos e deseñadores españois; participar no Obradoiro de analoxización codeco: iconas animadas que impartirá Esferobite entre o 16 e o 19 de xullo; ir a concertos de grupos e artistas de música electrónica, djs, rock e pop (a proposta inclúe un concerto á semana), ou visitar a exposición que se inaugura este luns 11 de xuño ás 20.00h con obras de GLF, David Silvosa, Álvaro Valiño, Dani Bembibre, Luís Díaz, Jonay Pmatos, Rubén López Ares, Esferobite, Eloi Gimeno e Cecilia Díaz.

Consulta o programa e toda a información sobre horarios, participantes, etc. en: http://pceo.istoenormal.org/

Lugar: NORMAL. Espazo de intervención cultural Universidade da Coruña Paseo de Ronda, 47 15011 A Coruña