Xa están aquí os Laus!

Como cada ano, e con esta xa van 43, temos aquí unha nova edición dos Premios Laus que organiza a Asociación de Deseñadores Gráficos e Directores de Arte do FAD (ADG-FAD). Hai un días abríase o prazo de inscrición de obras nas diferentes categorías: deseño gráfico, web e medios dixitais, creatividade publicitaria, audiovisuais, empresas, entidades e estudantes. A inscrición só se pode realizar a través da web www.laus.cat e toda a información relativa á forma de pagamento, condicións de participación, etc. atópase dispoñible na propia páxina. O prazo para inscribirse remata o vindeiro 1 de febreiro e, na edición deste ano na que a DAG colabora como asociación amiga dos premios, todos os nosos socios teñen desconto.