Xornadas Bisiona na EASD Pablo Picasso
A Escola de Arte e Deseño Pablo Picasso da Coruña organiza Bisiona, as V Xornadas de Arte e Deseño os días 15, 16 e 17 de decembro. Este ano as charlas serán presenciais para o alumnado da escola e o público externo poderá seguilas a través da súa canle de Youtube.
Nesta V Edicion, as xornadas Bisiona contan con profesionais do ámbito da fotografía, da ilustración, da policromía, da escultura, da cerámica, do deseño gráfico e do deseño de interiores. Durante tres días, o alumnado poderá gozar da experiencia de David Barro, Christian García Bello, Ruth Villamagna, Iván Cotado, Daniel Ayuso, Elena Ramírez, Calros Silvar, Gimena Berenguer, Noemí López e Idea Creatividad; esta última presentará ademais a nova imaxe corporativa da escola.
A imaxe gráfica deste ano seleccionouse entre outras propostas desenvolvidas polos alumnos e alumnas de 4º Curso de Deseño Gráfico.