Martín Azúa impartirá un obradoiro gratuíto para deseñadores e artesáns no XIII Encontro de Torneiros

Do 19 ao 22 de setembro de 2013 celébrase en Xermade o XIII Encontro de Torneiros en Galicia. Entre as actividades previstas na edición deste ano encóntranse diversas demostracións a cargo de artesáns convidados como Elisabeth Molimard (Baleirado dunha esfera), Yann Marot (Ángulo de corte: como acadar un bo corte coa ferramenta), Nicolas Gaussen (Torneado de multieixes, tres bólas labradas e texturas), unha exposición itinerante de madeira torneada e tamén a celebración dun foro de opinión e análise da situación do torneado de madeira e de conferencias, entre as que cómpre destacar Produción local: unha esixencia do deseño contemporáneo de Martín Azúa programada para o domingo 22 de setembro ás 11.30 h no Salón de actos do C.E.I.P de Xermade.

Ademais da conferencia, Martín Azúa será o encargado de impartir tamén o workshop Ferramentas para a nova cociña dirixido a artesáns e deseñadores. O obradoiro desenvolverase do 19 ao 22 de setembro na Biblioteca Municipal de Xermade (Lugo) en horario de 10.00 a 13.30 e de 16.00 a 19.30 (o xoves tan só pola tarde). A inscrición é de balde e pódese realizar a través da páxina web www.artesaniadegalicia.xunta.es, no correo electrónico formacion.artesania@xunta.es ou no teléfono +34 881 999 174. Para obter máis información sobre o encontro ou workshop descarga os programas: